菜鳥終於都成為局嫂了!
俾張我同新娘子既合照大家睇下先啦!
新娘子真係又瘦又索呀!
大家留意下背景, 其實係一個用氣球扭成既堡壘形狀背景板, 係新郎哥同佢班helper一齊扭出來的呢! 好靚架! 但限於我當日有任務喺身, 無影太多相!
但有張相一定要影俾大家睇睇, 大家一定無見過!
波波裙是也, 係新郎哥親手為新娘子扭的呢 !
新郎哥喺邊? 喺張相既右手邊, 塊鏡度見倒佢個倒影架!
新娘子真係好fit呢! 呢條裙肥啲都著唔倒呀! 個髮型好襯個look!
嗰日雖然有少少雨， 但重要時刻-註冊時就無落雨, 個天都好鍚佢地呢! 其實我都係好羨慕佢地呢,佢地拍咗拖十年啦,仲keep 住熱戀feel, 好難得呢!
~~~~~~~~~~~~~~~~~~~~~~~~~~~~~~~~~~~~~~~~~~
尋日掛住做野,都無乜好好同一對新人講返幾句恭賀說話, 喺度講返先 (有啲係肉麻野,面對面都唔知點講,寫俾你地睇好似好啲,hehe~~):
菜鳥 & 局長, 2001年識你地, 到而家都差唔多8年,睇住你地一路都咁恩愛,相信"百年好合, 永結同心"對你地一定無難度, 你地銀婚, 金婚, 鑽石婚要大攪時, 記住預埋我份去玩呀! 
~~~~~~~~~~~~~~~~~~~~~~~~~~~~~~~~~~~~~~~~~~
另外, 除咗我之外, 另外仲有兩位姊妹(當日無伴娘,只有姊妹團),我都想喺度多謝你地,我知我有時好鬼緊張, 多謝你地既包容,好高興有機會同你地一齊partner!
~~~~~~~~~~~~~~~~~~~~~~~~~~~~~~~~~~~~~~~~~~
好嘞! 我要開始預備我4月既會計專業試啦, 今次要專心, 努力啲!
p.s. 山楂: 我都好掛住你呢! 你幾時又攪聚會呀,預埋我呀,等我唔駛溫書溫到腦都實嘛!其實我呢排成日都諗起你呢! 因為我有樣野想請你食,但呢排佢缺貨呀,等我買倒,我再話你知係咩黎啦, hehe~~~
